Джырэблагъэ ным и Мафэ тиреспубликэ щыхагъэунэфык1ыгъ. Тэри тиеджак1охэм ащ фэгъэхьыгъэу сурэтхэр аш1ыгъэх. Конкурсым сурэт ш1ын урок язгъахьырэ к1элэегъаджэу Егоровэм Э.И. а сурэтхэр къыщигъэлъэгъуагъэх. Сурэтхэмк1э къагъэлъэгъуагъ ным ишъэбагъэрэ ык1и иш1улъэгъуныгъэмрэ, ащ гук1эгъуныгъэу хэлъыр. Сабыим идунай гъэпсыгъэ зэрэхъущтым имызакъоу, щы1эныгъэм ц1ыфыгъэ шапхъэхэм ядесэхэу ащ къыхихыщтыр, анахь мэхьанэ зэритыщтхэр, ищы1ак1э зыфэдэщтыр бэк1э ным елъытыгъ. Ным гущы1э дэхабэ фа1уагъ тхак1охэм. Гущы1эм пае: Жэнэ Къырымыз иусэхэу « Синан», «Ныр» ык1и ащ нэмык1хэри.
«Ныр-нэ» е1о адыгэ гущы1эжъым, ащ нахь дэгъоу, нахь занк1эу ык1и зафэу хэтрэ ц1ыфк1и ным мэхьанэу и1эр къэп1ожьыщтэп. Бзылъфыгъэм осэ ин зыфыратырэр Нэу зэрэщытыр ары.Ныр - зызакъу , адрэ пстэури ащ къеш1ык1ыгъ, епхыжьыгъ. Ным сабыир еухъумэ. Сабыим ынэхэмк1э ныр анахь дэгъу, анахь дах. Ным ынэхэмк1э исабый фэдэ щы1эп.
Ц1ыфым и Дунай нэфынэ къежьап1эу и1эр Ныр ары, псэ зыпытэу ащ къытехъухьагъэр зэк1э зэзыпхырэри Ныр ары. Ным илъфыгъэхэм ш1улъэгъу мыухыжьэу афыри1эр зэбгъэпшэн к1уач1э щы1эп: Хым фэдэу куу,Ч1ым фэдэу гъунэнчъ, Тыгъэм фэдэу укъегъэфабэ, уищы1эныгъэ гъогу къегъэнэфы, к1уач1э къыпхелъхьэ, акъылыр 1ашэу къыбгуелъхьэ. Укъэзылъфыгъэу, узып1угъэу, ц1ыфы узыш1ыгъэ Ныр ухэтми бгъэлъэп1эн, п1этын фае.